Askush prej nesh nuk dëshiron që të qëndrojë në rradhë të gjata dhe për orë të tëra ndërsa kërkon të marrë një shërbim nga shteti. Për shoferët si ditë më të keqe është kur presin radhën për të bërë kolaudimin e makinës. Por këtë herë situata është bërë edhe më qesharake, shkruan Jeta Osh Qejf.
Përveç rradhës që po prisinin shoferët për orë të tëra për të bërë kolaudimin, ata edhe u gjobiten për parkim teksa qëndronin në pritje. Kjo është edhe për të qeshur dhe për të qarë.
Teksa shikon fotot e rradhës të vjen akoma më shumë keq kur shikon se gjithë këta qytetarë që e pranojnë në heshtje këtë nënshtrim. Një nga qytetarët nuk e ka duruar dot këtë situatë dhe ka filmuar një pjesë teksa polici gjobit shoferët që rrinë në radhë. “Shikoni pak këtë shtetin tonë si sillet me qytetarët që flenë gjithë natën duke pritur radhën në kolaudimin e makinave në Fushë Prezë dhe policia i vendos gjoba çdo makine”, është shprehur shoferi. Shoferët ishin duke pritur për më shumë se 10 orë në rradhë. (J.V/Shuplaka)
