Mbas reagimit qytetar, qeveria pezullon punimet e Velieres në Durrës. Deri më 16 shkurt gjithçka do të qëndrojë e paprekur në zonën që është kthyer në objekt debati të ashpër.
”Veliera”, projekt i Bashkisë së Durrësit është në zonën e kategorisë së parë arkeologjike, në afërsi të torrës veneciane.
Njoftimi i pezullimit të punimeve është dhënë nga përfaqësues të shoqërisë civile që janë kategorisht kundër këtyre punimeve.
Do të jetë pikërisht data 16 shkurt ku do vendoset se çfarë do ndodhë më tej, nëse do të vazhdojë maskra apo jo.
Sot në komisionin parlamentar, iu kërkua shpjegim kryebashkiakut të Durrësit Vangjush Dako dhe ministres së Kulturës, Mirela Kumbaro. Sipas Dakos aktualisht po punohet në zonën që nuk ka prezencë të objekteve arkeologjike dhe gjithçka po monitorohet me kamera. (V.G/SHUPLAKA)
Discussion about this post