Presidenti Ilir Meta priti sot në zyrën e tij përfaqësues të trupës diplomatike, ekspertë të çështjeve zgjedhore si dhe krerët e partive opozitare në koalicion me Partinë Demokratike ku do të diskutohet për dy çështje më rëndësi, ajo e ngërçit me Gjykatën Kushtetuese dhe plani për hartimin e Reformës Zgjedhore.
Kanë mbërritur në presidencë kryetarët e partive opozitare, gjithashtu edhe kreu i PD-së Lulzim Basha, ndërkohë ftesë në këtë takim kanë pasur edhe ish-ministra e ish-presidentë si dhe funksionarë ish-funksionar të lartë të shtetit.
“Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e Partive të Opozitës së Bashkuar në një takim, në një kohë sa më të shpejt”, shkruante Meta në ftesën ndaj opozitës të cilën kjo e fundit e pranoi.
Vihet re mospjesmarrja e kryetares së LSI-së Monika Kryemadhit e cila ka prerferuar që forca të cilën drejton të përfaqësohet nga Petrit Vasili.
Reforma Zgjedhore është një nga 9 kushtet e Bundestagut gjerman, ndërkaq po aq e rëndësishme është ngritja dhe funksionimi i Gjykatës Kushtetuese, një tjetër kusht për hapjen e negociatave.
(F.GJ/FAXWEB.AL)
Discussion about this post