Në spitalin në Francë ku ndodhet 23-vjeçari nga Shkodra që u masakrua në qelinë e burgut në Marsejë ka mbërritur dhe babai i tij, Gezim Beqiraj i cili ka konstatuar shenja të shumta dhune në trupin e të birit.
Babi i tij pretendon se mjekët e spitalin po mundohen ta fshehin ngjarjen, ndërsa gjendja e tij është mjaft kritike dhe ka kaluar në vdekje klinike. Olti Curri ka publikuar dy foto nga spitali ku shfaqen Florenc Beqiri bashkë me babain e tij. Babai i Florencit njofton se mjekët duan t’i fshehin shenjat që ka në trup i riu 23-vjeçar. Në fotot e mëposhtme duket gjendja e rënduar e tij i cili deregjet në shtratin e spitalit.
Vetëm pak ditë më parë familjarët e tij në Shkodër duke folur për ‘’Fax News” tregojnë se i riu kishte tre vite që ndodhej në Francë dhe kishte nisur punë si kamarier. Ata thonë se nuk kanë mundësi ekonomike që të shkojnë në Francë. Edhe pse babai i tij ishte nisur në drejtim të të birit, ai është ndaluar nga policia në Turqi dhe është kthyer sërish në Shkodër.
‘’Na diktuan dhe na thanë që Lenci është në burg, dhe më pas na morën dhe na thanë që është tu vdek në spital. Mori në telefon vajza e djalit tim dhe tha që duan që ti heqin tubat. Ju lutem shtetit tonë që të na ndihmojnë, ai është i vdekur tashmë. Nëse nuk e kurojnë dot të na e sjellin. Vëjeni dorën në zemër”, shprehet një prej familjarëve. (J.V/Faxweb)
Discussion about this post