Kryeministri në detyrë i Kosovës, Albin Kurti, tha se do të adresojë çështjen e përfshirjes së gazetarëve në Paketën Fiskale Emergjente.
Kurti tha gjatë vizitës së tij në Komunën e Ferizajt se pakoja është ciklike dhe se është bërë vetëm për dy apo tre muaj ndërsa pohoi se përveç kategorive të tjera të përfshira, ata do të shqyrtojnë mundësinë që në këtë pako të përfshihen edhe gazetarët, shoferët e pastruesit.
“Është e vërtetë që i kemi mbështetur të gjitha uniformat të cilët janë në vijën e frontit. Uniformat e bardha të mjekëve, të kaltrat të policëve e të tjera. Por, pakoja emergjente është ciklike. Ne nuk kemi bërë një pako për gjithë vitin, por vetëm për dy muaj, këtë, muajin tjetër e eventualisht edhe një pas këtij, duke shpresuar se do të kalojmë këtë krizë. Pajtohem që duhet ta adresojmë në këtë çështje, në mënyrë që të shohim se edhe ata që nuk i kemi përfshirë, të përfshihen, si pastruesit, shoferët dhe gazetarët”, tha Kurti.
