Rrëzohet kërkesa e Federatës së Gjuetarëve për të shpallur të pavlefshëm moratoriumin e gjuetisë. Gjykata Kushtetuese zhvilloi dy seanca për çështjen e gjuetisë dhe kërkesae tyre u rrëzua sot nga kjo gjykatë.
“Na ka shkelur të drejtat tona për të ushtruar gjueti”, shprehen gjuetarët. Ka qenë Gjykata Kushtetuese ajo që ka hedhur poshtë kërkesën e Federatës, ndërsa moratoriumi mbetet në fuqi për 5 vitet e ardhshme.
Qëllimi i këtij ligji është ndalimi i ushtrimit të aktivitetit të gjuetisë, me qëllim përmirësimin e gjendjes së llojeve të faunës së egër, objekt gjuetie dhe jo vetëm.
Gjuetia në vendin tonë do vijojë të jetë e ndaluar deri në 2021-shin. Sipas ekspertëve, dy vite moratorium të gjuetisë nuk ishin të mjaftueshëm që llojet të faunës së egër, objekt gjuetie dhe jo vetëm të arrinin shtimin optimal, ndaj u kërkua shtyrja e afateve të këtij ligji me 5 vite të tjera.(J.V/Shuplaka)
