Vjen një tjetër propozim se ccfarë duhet të bëjnë qytetarët në zgjedhjet e 25 Qershorit. Partia Aleanca Popullore i ftoi votuesit t’i vendosin një kryq të madh fletës së votimit më 25 qershor 2017.
“Vota e pavlefshme është një shenjë proteste ndaj zgjedhjeve të pavërteta”, thuhet në një deklaratë të partisë së drejtuar nga Artur Dojaka.
AP u kërkoi votuesve të paraqiten më 25 qershor në kutitë e votimit dhe të mos e japin votën e tyre për asnjë nga 18 siglat partiake në garën për Kuvendin e ri.
“Aleanca Popullore i fton votuesit t’i vendosin një kryq të madh fletës së votimit më 25 qershor 2017”, thuhet në deklaratë. A
leanca Popullore nuk ka paraqitur një listë me kandidatë për zgjedhjet e 25 qershorit, ndërsa iu drejtua me një ankesë Kolegjit Zgjedhor lidhur me afatin e paraqitjes së kandidatëve nga partitë e tjera. Megjithatë, pas shtyrjes së zgjedhjeve nga 18 më 25 qershor, AP vendosi ta tërheqë padinë para trupit gjykues. Vendimi erdhi pas marrëveshjes Rama-Basha për zgjidhjen e krizës politike dhe ndalimin e ndërtimit të koalicioneve politike parazgjedhore. (E.K/SHUPLAKA)
Discussion about this post