I ftuar në ‘Fax News’ ambientalisti Agron Deliu thotë se pas djegies së fabrikës së ricilimit të mbetjeve në Tiranë, në zonën e Kasharit ka shtuar duhet që menjeherë institucionet përgjegjëse të marrin masat për të larguar hirin e mbetjeve në një zonë të sigurtë pasi ekziston një rrezik shumë I madh që të ndotet toka dhe nëprmjet tokës edhe uji.
Ai thotë se kjo djegie e pakontrolluar ka çuar në krijimin e një komponimi shumë të rrezikshëm siç është dioksina e cila është ndër helmet më të rrezikshme.
“Ajo që do jetë problem në ta ardhmen është djegia në mënyrë të pakontrolluar e plastikave, krijojnë disa komponime shumë të rrezishme. Krijohen dioksina, një klasë që njihen ndër helmet më të rrezikshme.
Problemi më vonë do të jetë që mbeturina e djegies nga hira kalojnë në tokë dhe nëpërmjet proceseve mund të kalojnë për në ujëra, prandaj ato mbetje sa më shpejt duhen hequr, në mënyrë që materiali mos të ndotë tokën. Ndërsa për cilësinë e ajrit nuk ka më problem, përveçse gjatë kohës kur ndodhi djegia”, tha ai.
Deliu i bëri thirrje Ministrisë së Mjedisit që sa më parë të merren masa për të përcaktuar një vend të sigurtë ku do të hidhte hiri i atyre mbetjeve, për të shmangur rrezikun e madh të ndotjes së ujit.
“Rreziku është shumë i madh nëse hirat nuk do të hiqen shpejt dhe të groposen në zona të sigurta që të mos kenë mundësi që të përhapen në tokë, atëherë rrezikohet shumë toka që mund të bjerë në kontakt me këto dioksina. Dioksinat janë helmi më i rrezikshëm që ka krijuar njeriu.
Duhet hequr dhe institucionet që merren me këtë punë, Ministria e Mjedisit duhet të përcaktojnë një zonë shumë të sigurtë se ku duhet të hidhen ato hira se janë jashtëzakonisht të rrezikshmë po të bien në kontakt me ujin”.
Ai foli eshe për erën sahariane që përfshiu vendin tonë. Ai tha se është një fenomen natyror, por ajo çfarë i ka bërë përshtypje është se organet nuk dhanë asnjë njoftim për këtë problem, ndërsa sipas matjeve të tij në vedne të ndryshme në Shqipëri i ka rezultuar se ndotja nga këto grimca mikroskopike ishte 6-8 herë më e lartë se norma e lejuar.
“Era sahariane, është shumë e rrezikshme, është natyrore, nuk ke ç’i bën, ato kanë arritur deri në Gjermani. Ajo që më beri shumë përshtypje ishte se oragnet nuk dhanë asnjë lajm se çfarë masash duhet të marrë popullata e gjerë për këtë problem.
Ishin grimca mikrskopike. Bëra matjet në datën 16-17, kryeqyteti është përfshirë pak më pak, dhe rezultati i këtyre matjeve ishte se niveli i këtyre grimca ishte nga 6-8 herë më i lartë se norma e lejuar, organet që duhet të merreshin me kët punë nuk dhanë ndonjë njoftim”, tha Deliu.
(B.H/Faxweb)
Discussion about this post