Që prej mëngjesit të sotëm në Shijak është duke u zhvilluar një protestë përsa iu përket ekzekutimit të mbetjeve spitalore. Në protestë kanë dalë banorët e zonës pasi sipas tyre mbetjet spitalore ekzekutohen jashtë standartit, gjë që kërcënon shëndetin e tyre.
Po kështu sot banorët thonë se sot kishin dëgjesë me kompaninë që merret me mbetjet spitalore por ende nuk është kryer kjo. Ata shprehen se subjekti që merret me mbetjet spitalore nuk i kryen në kushtet e parashikuara nga ligji ekzekutimin e tyre.
Mësohet se kompania “Jamarbër” shpk ka fituar tenderin nga Ministria e Mjedisit, për eleminimin e mbetjeve mirëpo sipas banorëve ky proces bëhet gjatë orëve të natës duke shkaktuar ndotje në të gjithë zonën.
Të pranishme në vendngjarje janë edhe forcat e policisë, përfaqësues të bashkisë Shijak. Sipas tyre në këtë subjekt kryehet ekzekutimi i mbetjeve spitalore dhe i kafshëve.
Banorët shprehen të irrituar ndërsa kanë paralajmëruar se protesta do të përshkallëzohet më tej, deri në mbylljen e këtij subjekti. Në videon e mëposhtme janë pamjet nga brenda subjektit që ndodhen mbetjet spitalore. (J.V/Shuplaka)
https://www.youtube.com/watch?v=9AUdqzJ8O-I
https://www.youtube.com/watch?v=d-bpY8bjlOs
Discussion about this post