Mbi 100 mijë të vdekur nga koronavirusi në gjithë botën, në Itali rriten sërish shifrat

Gjatë 24 orëve të fundit kanë ndërruar jetë 619 persona me COVID-19 (dje ishte 570), duke e çuar numrin në total në 19,468.

Tashmë janë Shtetet e Bashkuara me numrin më të lartë të fataliteteve në botë, me 19,666, e ndjekur nga Italia (19,468) dhe Spanja (16,353).

Sipas Mbrojtjes Civile të Italisë, në rang kombëtar nga nisja e epidemisë numërohen rreth 152,271 persona të infektuar nga ky virus vdekjeprurës (vendi i tretë në botë, pas SHBA-ve dhe Spanjës). Rritja nga dje është +4,694 (sërish rritje).

Janë 32,534 persona të shëruar nga fillimi i pandemisë.

Aktualisht, janë 100,269 të sëmurë aktivë me koronavirus në Itali, 3,381 prej tyre në gjendje kritike.

Në total në botë deri tani regjistrohen 1,732,306 të infektuar, me 106,347 vdekje dhe të shëruar 392,718.

Numrin më të madh të infektuarve në botë e kanë Shtetet e Bashkuara me  506,008 raste (19,666 vdekje), e ndjekur nga Spanja (161,852 raste/ 16,353 vdekje).