Rrëshqitja e dherave në Kolumbi u ka marre jetën të paktën 254 personave, ndërsa po aq janë shpallur të humbur.
Shirat e rrëmbyeshëm në jugperëndim të vendit u bënë shkaktarët e rrëshqitjes së dherave, por edhe rritjes së nivelit të lumenjve, raporton The Associated Press.
Shumë nga viktimat nuk patën kohë as të ngjiteshin në tarracat e shtëpive të tyre, pasi një lum balte erdhi me shpejtësi dhe i mori përpara.
Sipas autoriteteve vendase 30% e shiut që bie gjatë një muaji, ka rënë brenda një nate.
Të plagosur që kanë kërkuar ndihmë në spitale janë të paktën 400, ndërsa kërkimet për të humburit sa vijnë e vështirësohen si pasojë e kushteve të rënda atmosferike.
Edhe Papa Françesku ofroi lutjet e tij për ngjarjen e rëndë. (M.D/ Shuplaka)
Discussion about this post