Nxënësit shqiptarë sipas specialistëve të arsimit mësojnë më shumë përmendësh sesa zhvillojnë të menduarin kritik.
Specialistët e arsimit e vënë në dukje këtë si një ndër problematikat e arsimit fillor në vend pasi kanë testuar njohuritë e nxënësve të klasave të pesta.
Vlerësimi ka nxjerrë në pah se vetëm 7.4% e nxënësve kanë njohuri të nivelit në lëndët bazë.
Nga rreth 34 mijë nxënës të klasave të pesta vetëm 2 mijë e 500 njohin shumë mirë gjuhën shqipe, matematikën dhe diturinë.
Testimi i Ministrisë së Arsimit, realizuar gjatë vitit shkollor 2015- 2016 në lëndët bazë, ka nxjerrë në pah se rreth 44% e nxënësve zotërojnë njohuri të nivelit të ulët, 49% të nivelit mesatar dhe vetëm 7.4% të nivelit të lartë. Ndër faktorët kyç për një rezultat të tillë veç punës së mësuesve renditen edhe numri i madh i nxënësve në klasa dhe niveli social-ekonomik i tyre.
Në lënden e matematikës nxënësit hasin vështirësitë më të mëdha në shtrimin, zgjidhjen e problemave dhe gjeometri raporton ABC News.
Në gjuhë shqipe parapëlqejnë të zgjedhin përgjigjet e gatshme më shumë se sa ti modelojnë vetë ato.
Përfundimet e vlerësimit të arritjeve vënë në dukje punën e pakët që zhvillojnë mësuesit në drejtim të aftësisë së të shkruarit.
Rezultate më larta në testim kanë arritur vajzat. Nxënësit e shkollave të qytetit janë paraqitur me mirë se sa ato në fshat. Arritjet në shkollat private ndërkohë janë më të larta se ato në shkollat publike.
Debati për analfabetizmin në shkollat dhe shoqërinë shqiptare ka qenë prezent prej kohësh në sferën e diskutimeve mbi arsimin. (M.D/ Shuplaka)
Discussion about this post