Ministrja e re e Mirëqenies Sociale Olta Xhaçka, nesër do të marrë pjesë në konferencën e saj të parë në këtë post. Mirëpo stafi i ministrisë mesa duket ende nuk është mësuar me ndryshimin e kreut të tyre, pasi edhe duke ditur që ministrja e tyre mbiemrin e ka Xhaçka me “ç”, ata nuk ia kanë shkruar siç duhet.
Në njoftimin zyrtar të Ministrisë në fjalë lidhur me konferencën, mbiemri i Olta Xhaçkës është shkruar me “c” dhe jo me “ç” dhe kjo tingëllon keq për ministren. Kjo tregon mungesë serioziteti nga ana e stafit, pasi shndërrimi i “c”-së në “ç” nuk është se kërkon shumë kohë dhe mjafton vetëm një opsion i thjeshtë në word: “Find and Replace”.
“Të nderuar kolegë
nesër datë 28 mars ora 10:00, në Hotel Tirana, Ministrja e Mirëqenies Sociale dhe Rinisë znj. Olta Xhacka, do të marrë pjesë në Konferencën Kombëtare për shërbimet alternative cilësore për fëmijët pa kujdes prindëror në shqipëri, në kuadër të Reformës së Shërbimeve Sociale dhe fuqizimit të sistemit të mbrojtjes së fëmijëve.
Në këtë aktivitet do të prezantohet plani kombëtar i De-institucionalizimit dhe Ministrja Xhacka do të mbajë fjalën e hapjes.
Faleminderit!”, shkruhet në njoftimin e ministrisë. Shpresojmë që në njoftimin e dytë të ministrisë, të jetë shkruar siç duhet “ç-ja”. (D.D/Shuplaka)
[ngg_images source=”galleries” container_ids=”1431″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post