Tronditëse ka qenë dëshmia e një zonje e cila shiste disa lodra fëmijësh në rrugë në mënyrë që të arrinte mbijetesën e saj dhe të familjes.
Ajo tregon se Policia Bashkiake disa herë i ka marrë mallin dhe i ka vendosur gjoba, ndërsa në vendin ku ajo shiste dikur tashmë është vendosur një kioskë.
Në rrëfimin e saj, zonja vazhdon më tej duke thënë se bashkëshorti i saj ishte i sëmurë dhe se lekët që nxirrte nga puna e saj në rrugë ishin e vetmja mundësi që në fund të ditës, familja të kishte ushqim.
”Këtu është luftë, lekë, lekë vetëm lekë. Unë kam qenë aty te vendi ku është vendosur kioska tani. Më hoqën mua vendosën kioskën. Pse most ë më vendosin mua aty te kioska dhe të paguaj taksat.
Ngelën duke më vënë vetëm taksa, o 100 mijë lekë, o 200 mijë lekë, ca i kam paguar ca si kam paguar. Kam 20 vjet që me atë vend kam jetuar, a e zgjodhëm këtë shtet unë, unë nuk e zgjodha për të ushtruar dhunë dhe për të folur llafet më të qelbura.
Me gjuajnë, më shajnë të q*ifsha nënen thonë, burri është i sëmurë është me katër unaza në zemër. Na jep lekë thonë që të të japim kempin, nuk kam lekë o Erion Veliaj që të mbush tregjet, vjen aty pa pikë turpi dhe të heqin mallin, që unë e blej me lekë, ja mora borxh mamit tim 20 mijë lekë”, thotë ndër të tjera zonja në rrëfimin e saj.
(E.K/SHUPLAKA)
