Një çift në Fier është ndaluar nga policia nën akuzën e kultivimit të lëndës narkotike. Nga kontrolli i ushtruar nga shërbimet e Komisariatit të Policisë Fier, në lagjen “Kryengritja e Fierit”, në banesën e shtetasit Ermal Hasani, janë gjetur dhe sekuestruar 64 fidanë bimë narkotike kanabis.
Në vijim të këtij aksioni është kryer arrestimi i 43-vjeçarit dhe nisja e procedimit penal në gjendje të lirë ndaj bashkëshortes së tij, shtetases E.H, 36 vjeçe.
Materialet për këtë rast i janë kaluar Prokurorisë Fier për hetime të mëtejshme.
Detaje të policisë:
Goditet një rast i kultivimit të bimëve narkotike. Arrestohet në flagrancë autori dhe procedohet penalisht në gjendje të lirë bashkëshortja. Në bazë të Planit të Veprimit të Drejtorisë Vendore të Policisë Fier për zbulimin, parandalimin dhe goditjen e veprimtarisë së kultivimit të bimëve narkotike, vijojnë kontrollet e pandërprera në gjithë territorin e Qarkut Fier.
Si rezultat i kontrollit të ushtruar nga shërbimet e Komisariatit të Policisë Fier, në lagjen “Kryengritja e Fierit”, në banesën e shtetasit Ermal Hasani, u gjetën të kultivuara dhe u sekuestruan në cilësinë e provës materiale 64 fidanë bimë narkotike të dyshuara Cannabis Sattiva.
Në përfundim të veprimeve të para hetimore u bë arrestimi në flagrancë i shtetasit: -Ermal Hasani, 43 vjeç, banues në lagjen “Kryengritja e Fierit, si edhe filloi procedimi penal në gjendje të lirë për bashkëshorten e tij, shtetasen E.H, 36 vjeçe.
Materialet proceduriale i kaluan Prokurorisë Pranë Gjykatës së Shkallës së Parë Fier për veprën penale “Kultivim i bimëve narkotike” parashikuar nga neni 284/1 i Kodit Penal.
(XH.A/SHUPLAKA)
[ngg_images source=”galleries” container_ids=”1725″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
