Milva Ekonomi do të jetë kryetarja e Komisionit të Ekonomisë. Vendimi është marrë ditën e sotme në mbledhjen e grupit parlamentar të Partisë Socialiste, pak para se të nisë seanca e parë e sesionit të ri parlamentar.
Burime për “FaxNews” bënë me dije se Milva Ekonomi do të zërë vendin e Arben Ahmetajt në krye të Komisionit të Ekonomisë dhe Financave. Gazetarja Eksiola Shehu raportoi se emri i saj pritet të votohet gjatë seancës së sotme.
Kujtojmë që drejtimin e Komisionit të Ekonomisë e kishte Arben Ahmetaj, por ai u largua dhe u bë ministër i Shtetit për Rindërtimin. Aktualisht Milva Ekonomi është zëvendëskryetare në Komisionin e Medias.
