Një nga pretendentët për të marrë drejtimin e Strkturës së Posaçme Antikorrupsion, Arben Kraja ka depozituar një kërkesë pranë Këshillit të Lartë të Prokurorisë pak minuta më parë. KLP është mbledhur për të zgjedhur kreun e SPAK, ndërsa Kraja kërkon që anëtari Tartar Bazaj të përjashtohet nga ky proces sepse ka konflikt interesi.
Pritet që KLP të mblidhet dhe të vendosë nëse do ta pranojë kërkesën e Krajës apo jo. Kujtojmë që dje Këshilli i Lartë i Prokurorisë intervistoi 3 kandidatët Arben Kraja, Edvin Kondili dhe Altin Dumani për kreun e SPAK dhe sot do të zgjedhë midis tyre. Gjatë mëngjesit të sotëm para presidentit Ilir Meta u betuan tetë prokurorët e SPAK.
(M. I./ Faxweb.al)
Discussion about this post