Drejtoria e Policisë së Shkodrës në një njoftim të publikuar në Facebook për një takim me kolegët e tyre nga Ulqini, të zhvilluar në datën 25 Shtator 2019, janë publikuar edhe disa foto.
Në një seri fotosh që shoqërojnë njoftimin, dallohet lehtësisht se pjesa më e madhe e bashkëbiseduesve kanë para tyre gotat e Whiskey-t.
Por ky detajë,është tentuar të fshihet në disa nga fotot. Në njërën prej fotove është fshirë, me një punim të keq me photoshop, gota e alkoolit që gjendej para një prej personave në tavolinë.
Po e njëjta foto, në variantin e pamodifikuar, duket qartësisht gota e Whiskey-t.
Përpjekja për të zhdukur gotën e Whiskey-t është realizuar vetëm në njërën prej fotove. Pasi, në disa të tjera, askush nuk është shqetësuar që të fshehë detajin e gotës, të paktën para drejtorit Niko Brahimaj.
Gjithësesi, biseda rreth gotave të alkoolit duket se nuk e ka zbehur rëndësinë e takimit ndërkombëtar.
Discussion about this post