Mbledhje e dyshimtë e AMA-s, tenton të japë licensën pa njoftuar operatorët

Gjatë mbledhjes së ditës së sotme, Autoriteti i Medias Audiovizive AMA, ka tentuar t’i japë licencën kombëtare private të transmetimit audioviziv shoqërisë “ADTN” me administrator Dritan Shakohoxhën.

Sipas raportimeve, votimi ka përfunduar me rezultatin 4 me 3. Duke qenë se votimi për dhënien e frekuencave kërkon të paktën 5 vota pro, sipas televizionit Vizion Plus kjo tentativë ka rezultuar një dështim.

Kjo mbledhje pason atë të datës 29 dhjetor 2016, kur AMA vendosi mosdhënien e frekuencës për shoqërinë “ADTN” dhe gjithashtu skualifikoi tre subjekteve të tjera aplikuese.

Por televizioni “Ora News” e ka çuar në Prokurori këtë vendim të AMA-s.

Pavarësisht kësaj, ky autoritet është mbledhur sërish për të ndarë licencën e mbetur. Sipas “Vizion Plus-it” kjo po bëhet në mënyrë ilegale.

AMA i ka anashkaluar afatet ligjore te ankimimit nga subjektet që kontestuan vendimet e 29 dhjetorit, por pavarësisht kësaj AMA vendosi ta bënte këtë mbledhje. Megjithatë autoriteti audioviziv i ka njoftuar palët e interesuara lidhur më këtë mbledhje, por jo për diskutimin e dhënies së licensës për “ADTN”.

Mbledhja e ardhshme e AMA-s do të mbahet më 27 janar. (D.D/Shuplaka)