Kryeministrat e Shqipërisë dhe të Kosovës kanë dhënë një deklaratë për mediat pas takimit që kanë pasur mes tyre, ditën e sotme në Tiranë. Në fjalën e tij , Rama tha se me Kurtin kanë pasur diskutime të hapura, për shumë prej temave, dhe kanë rënë dakord që të zhvillojnë mbledhjen e radhës mes dy qeverive në Shkodër.
Rama tha se do të ketë një komision ndërshtetëror për të ndjekur ecurinë e marrëveshjeve mes dy vendeve, ndërkohë që një nga pikat në të cilën u vendos theksi ishte liria e plotë e njerëzve.
“Më vjen mirë që kemi pasur një komunikim të hapur, të rëndësishëm, intensiv për ku jemi dhe ku duam t’i cojme marrëdhëniet tona. Kemi rënë dakord që të fillojmë menjëherë përgatitjet për mbledhjet e 2 qeverive e cila do të mbahet në Shkodër.
Do të vendosim një komision ndërshtetëror për të ndjekur ecurinë e marrëveshjeve, për të evidentuar problematikat. Kemi diskutuar edhe për procesin e Berlinit, vazhdojmë të flasim për të harrmonizuar hapat për të implementuar 4 liritë në vendet tona.
Nëse nuk realizojmë lëvizjen e plotë të njerëve dhe të mallrave, nuk e kemi kryer detyrën tonë ndaj të ardhmes dhe ndaj njerëzve tanë. Të gatshëm që të heqim kufirin mes dy shteteve tona.
Jemi 100 % në mbështetje të Kosovës, në procesin e njohjes së plotë të shtetit të Kosovës”, u shpreh Rama në fjalën e tij.
Ndërkohë që Kurti tha se Shqipëria duhet që të ishte shteti i parë që vizitonte si kryeministër, ndërsa shtoi se Kosova nuk do tia dilte në luftë, nëse nuk do të kishte pasur mbështetjen e Shqipërisë.
“I gëzuar që ndodhem sot në Tiranë, edhe 1 orë bëhet një javë që jam në detyrë si kryeministër i Kosovës. Shteti i parë që duhet të vizitoja jashtë Kosovës, patjetër që është Shqipëria.
Të kemi një fillim bashkëpunim mes dy vendeve, Kosova dhe Shqipëria janë prioritet të njera tjetrës. Duam që ta shtojmë bashkëpunimin, duke e thelluar dhe zgjeruar atë. Kosova nuk do ja dilte me sukses në luftë dhe as në paqe pa Shqipërinë. Ne duam aq të ecim bashkë, të bashkëpunojmë në fushën ekonomike, të sigurisë dhe të politikës se jashtme”, u shpreh Kurti.
Dy kryeministrat floën dhe për temën e Minishengenit, për të cilën Kurti tha se ishte diskutuar shkurtimisht, pa dashur të hyjnë në detaje.
“Kjo ishte një temë që u diskutua pak në takimin tonë, pasi sot më shumë folëm për makroshengenin shqiptar, sesa mbi mini-shengenin ballkanik”, tha Kurti, ku nuk vonoi as përgjigja e Ramës, ku në ajër u dallua dhe tensioni.
“S’ka mini shengen shqiptar, nëse nuk ka mini shengen ballkanik. Është e vërtetë që kemi nevojë për një shpejtësi të re, Albini është i ri në detyrë. Besojme se Komisioni ndërshtetëror do ti japi mundësi të dy qeverive për të parë marreveshjet ekzituese”, tha më tej Rama në fjalën e tij.
(E.K/Faxweb.al)
Discussion about this post