Janë mbledhur sot për herë të dytë në pak muaj dy grupet e punës nga qeveritë e Kosovës dhe asaj të Shqipërisë, ndërsa kanë munguar dy kryeministrat Ramush Haradinaj dhe Edi Rama. Mbledhja është drejtuar respektivisht nga Erion Braçe dhe Fatmir Limaj.
Në takimin e sotëm do të diskutohet ecuria e marrëveshjeve të nënshkruara në Nëntor të 2018-tës. Zyra e shtypit e kryeministrit Edi Rama njofton se axhenda ka qenë e parashikuar që më parë, dhe nuk ishte parashikuar prania e krerëve qeveritarë, pasi ky takim ishte planifikuar të zhvillohej ne nivel koordinatoresh te dy qeverive.
Muajt e fundit nuk kanë qenë aspak të qetë për raportet mes Ramës dhe Haradinajt, të cilët kanë hedhur akuza në drejtim të njëri tjetrit, sa i takon marrëveshjes mes Kosovës dhe Serbisë, ku kryeministri shqiptar është pozicionuar dukshëm në anën e Hashim Thaçit.
Samiti i Berlinit shënoi dhe krisjen finale mes tyre, ku Haradinaj tha se Rama i kishte bërë presion për heqjen e taksës, ndërsa kryeministri shqiptar e quajti homologun e tij gënjeshtar.
(E.K/FAXWEB.AL)
