Godina e Kryeministrisë është ‘veshur’ me mesazhe të projektuara nga protestuesit.
Siç shihet dhe në video, në godinë janë projektuar mesazhet “Rama ik”, “papunësi” “drogë”, varfëri”, “Shqipëria si Europa” duke simbolizuar kësisoj të gjithë qeverisjen e kryeministrit Rama.
Ndërkohë protestuesit janë përpjekur të rrethojnë Kryeministrinë, por gazi i hedhur nga forcat policore i ka detyruar të shpërndahen disa herë (lexo këtu).
Më herët godina u godit me shishe me bojë të zezë dhe me shishe me benzinë, dyshohet dhe për molotov. Derës kryesore të Kryeministrisë disa herë iu vu flaka, ndërsa u ndërhy nga forcat policore për shuarjen e zjarrit. (lexo këtu)
Kjo është protesta e katërt kombëtare e cila zhvillohet përpara kryeministrisë nga opozita e bashkuar, që prej vendimit për të djegur mandatet e deputetëve të PD-së dhe të LSI-së.
Kërkesat e partive opozitare janë të qarta, dhe lidhen me mbajtjen e zgjedhjeve pa Edi Ramën kryeministër, dhe krijimin e një qeverie tranzitore, e cila do të mundësojë mbarëvajtjen e tyre.
Me kalimin e javëve vendosen në pikëpyetje dhe zgjedhjet lokale të 30 Qershorit, që sipas opozitës nuk do të mbahen, ndërsa qeveria Rama dhe PS janë angazhuar me zgjedhjen e kandidatëve në mbledhjen e sotme të Asamblesë.
Discussion about this post