23 gra që kanë qenë duke vuajtur dënimin në burgun e ‘Ali Demit’ janë lënë sot të lira pasi kanë përfituar nga aminstia e kaluar disa javë më parë në Kuvend.
Në total nga amnistia do të përfitojnë 175 të dënuar, mes tyre 23 gra dhe 2 të mitur.
Ka qenë gazetarja e Fax neës Mirilda Tili, ajo që ka ndjekur nga afër lirimin e grave, të cilat kanë apeluar mediat që të mos u zbulojnë identitetet e tyre.
Shumë prej tyre e kanë hapur derën e burgut me kapuçin në kokë, për të nisur një jetë të re, dhe me shpresën për të qendruar sa më larg problemeve.
Të njëjtën kërkesë për privatësi e kanë pasur dhe dhjetra familjarë që kanë qenë në hyrje tq burgut, ndërkohë që nuk kanë munguar as lotët dhe përqafimet mes tyre.
Disa prej të dënuarave priteshin dhe nga fëmijët e tyre, të cilët kanë pasur edhe emocionet më të mëdha nga gjithë të tjerët.
Discussion about this post