Tre persona janë arrestuar si dhe është shpallur në kërkim nënkryetari I Bashkisë së Mallakasrës, H. Serjani pasi sipas policisë kanë mbyllur dy qendra votimi në qytetin e Ballshit si dhe 21 të tjera në fshatrat e Bashkisë.
Specialistët për Hetimin e Krimeve në Komisariatin e Policisë Mallakastër arrestuan në flagrancë 3 shtetas:
– D.D, 57 vjeç, banues në Ballsh (shofer i Bashkisë Mallakastër);
– E.I, 39 vjeç, banues në Ballsh (punonjës i Bashkisë Mallakastër);
– N.K, 58 vjeç, banues në Ballsh (roje shkolle);
Sipas njoftimi të Policisë, këta persona janë autor të dyshuar të mbylljes dhe bllokimit 2 shkollave në qytetin e Ballshit dhe 21 shkollave në fshatrat e Bashkisë, të cilat nga Komisioni Qendror i Zgjedhjeve janë vendosur e miratuar si Qendra Votimi për zgjedhjet e Pushtetit Vendor të datës 30 Qershor.
Njoftim i Policisë:
Arrestohen në flagrancë 2 punonjës të Bashkisë Mallakastër dhe roja e një shkolle në qytetin e Ballshit, si edhe shpallet në kërkim nënkryetari i Bashkisë Mallakastër për veprën penale “Pengimi i subjekteve për zgjedhjet në organet përfaqësuese” e kryer në bashkëpunim.
Specialistët për Hetimin e Krimeve në Komisariatin e Policisë Mallakastër arrestuan në flagrancë 3 shtetas:
– D.D, 57 vjeç, banues në Ballsh (shofer i Bashkisë Mallakastër);
– E.I, 39 vjeç, banues në Ballsh (punonjës i Bashkisë Mallakastër);
– N.K, 58 vjeç, banues në Ballsh (roje shkolle);
Gjithashtu u shpall në kërkim dhe po punohet për kapjen e shtetasit H.S, 38 vjeç, banues në Ballsh, (Nënkryetar i Bashkisë Mallakastër).
Nga tërësia e veprimeve hetimore rezulton se këta shtetas janë autor të dyshuar të mbylljes dhe bllokimit 2 shkollave në qytetin e Ballshit dhe 21 shkollave në fshatrat e Bashkisë, të cilat nga Komisioni Qendror i Zgjedhjeve janë vendosur e miratuar si Qendra Votimi për zgjedhjet e Pushtetit Vendor të datës 30.06.2019.
Materialet proceduriale i kaluan Prokurorisë pranë Gjykatës së Shkallës së Parë Fier për veprime të mëtejshme hetimore.
Kujtojmë se kryebashkiaku i Mallakastrës, Agron Kapllanaj i ftuar të hënën e kaluar në një emission televiziv, u shpreh hapur se në 30 qershor qendrat e votimit do jenë me kyç. “Nuk do të qëllojmë mbi vëllezërit tanë”, është shprehur Kapllanaj, duke siguruar se nuk do të ketë përplasje.
Po ashtu, kryebashkiaku i Mallakastrës tha se do të pamundësojnë votimet në zbatim të dekretit të presidentit. Lidhur me këto deklarata Policia e ka proceduar penalisht kryebashkiakun për nxitje të dhunës dhe akteve që dëmtojnë procesin zgjedhor.
(F.GJ/FAXWEB.AL)
Discussion about this post