Është mbyllur zyrtarisht orari i votimit në qendrat e votimit për zgjedhjet e sotme parlamentare në Kosovë, proces ky që nga monitoruesit është vlerësuar i qetë.
Në të gjithë Kosovën sot është votuar në 889 qendra votimi me gjithsej 2,490 vendvotime, derisa numri i votuesve të regjistruar ishte 1, 872, 941 votues. Zgjedhjet po vëzhgohen nga mbi 29 mijë vëzhgues nga partitë politike, organizatat joqeveritare, nga BE si dhe të akredituarit nga ambasadat e huaja në Prishtinë.
Në të gjitha ato qendra të votimit ku në orën 19:00 qytetarët që kanë qenë duke pritur për të votuar, do të realizojnë të drejtën e votimit. Pas mbylljes së qendrave të votimit do të fillojë procesi i numërimit të votave.
Përqindja e votuesve që kanë votuar është 41,30 për qind.(M.D/Shuplaka)
