Asambleja e vitit 2025 e Shoqatës së Shefave të Policive të Evropës Juglindore (SEPCA) ka përfunduar punimet me thirrje të forta për bashkëpunim rajonal dhe integrim të plotë të Policisë së Kosovës në organizatë. Presidenti i SEPCA-s, Ilir Proda, theksoi rëndësinë e bashkëpunimit pa kufij në luftën kundër krimit të organizuar dhe krimeve ndërkombëtare, duke e konsideruar ligjin si udhërrëfyes dhe qytetarët si pasurinë më të çmuar të policive në rajon.
“Bashkëpunimi i hapur dhe i sinqertë ndërmjet policive dhe agjencive ligjzbatuese është mesazhi më i fortë kundër krimit. Përderisa krimi nuk njeh kufij apo ngjyrë, as ne nuk duhet të veprojmë me emocione apo ngjyrime. Ligji është bibla jonë. Qytetarët janë thesari ynë!”
