Mbyllet ‘Facebook’ në këtë shtet, ja cili është shkaku

Qeveria e Papua Guinea e Re ka vendosur të bllokojë Facebook-un për muajin qershor.

Këtë veprim qeveria po e ndërrmer pasi ka identifikuar një numër të madh të llogarive të rreme, si dhe lajme të tilla, të cilat janë bërë virale.

Ministri i Komunikacionit Sam Basil tha ditën e sotme se gjatë një muaji “do të mblidhet informacion” për njerëzit që përdorin median sociale për qëllime të liga.

“Përdoruesit që ngarkojnë pornografi dhe informacion shpifës do të identifikohen dhe largohen nga faqja e rrjeteve”, tha ai.

Gjithashtu ai theksoi se e gjithë kjo situatë do lejojë njerëzit realë të përdorin rrjetin social me përgjegjësi.

Më tej ministri shtoi se ekspertët e teknologjisë në PNG janë të aftë të zhvillonin një alternativë lokale për Facebook.

“Nëse do të ketë nevojë atëherë ne mund të mbledhim ekspertët tanë të aplikacioneve lokale për të krijuar një faqe që është më e favorshme për Papua Guinea e Re për të komunikuar brenda dhe jashtë vendit,” citon Basil, për një media lokale.   (E.V/Faxweb.al)