Mbyllet procesi i numërimit në Durrës, publikohen shifrat: Ja numri i zgjedhësve që morën pjesë në votime

Ka përfunduar procesi i numërimit të votave për Durrësin. Sipas raportimeve mësohet se fituese për këtë bashki është kandidatia e Partisë Socialistë Valbona Sako me 34026 vota, përballë kandidates së Bindjes Demokratike Valbona Sakollari e cila ka marrë 3629 vota.

Nga numërimi mësohet se janë rreth 3029 vota kanë rezultuar të pavlefshme.

Ndërkohë përsa i përket pjesëmarrjes, bëhet me dije se për këtë bashki kanë votuar rreth 40263 zgjedhës nga 251457 të rregjistruar në listë ose e përkthyer në përqindje, 16%, një numër ky shumë i ulët krahasuar me zgjedhjet e qershorit 2015.

Kujtojmë se në 2015, Vangjush Dako do të fitonte me 57.13 për qind të votave dhe më një diferencë mbi 13 mijë vota në raport me kandidaten e koalicionit të djathtë, APPD, Grida Duma.