Ka përfunduar me një humbje të thellë për Shqipërinë në stadiumin “Stade de France” takimi mes Francës dhe Shqipërisë, i vlefshëm për javën e 5-të të grupit H kualifikues të Euro 2020 me rezultatin 4-1.
Franca shënoi dy gola në pjesën e parë nga sulmuesit, Kingsley Coman dhe Olivier Giroud ndërsa golin e tretë ndaj Shqipërisë në minutën 68′ e ka shënuar Kinglsey Coman pasi një top i del në zonë dhe kompleton një dopjetë të tij në këtë ndeshje.
Por mesa duket Franca donte të merrte maksimumin nga kjo sfidë pasi në minutën e ’85 shënoi golin e 4, me Ikone.
Ndërsa kuqezinjtë arritën të shënojnë vetëm një gol në fund të takimit me Sokol Cikalleshin, të ashtuquajturin “goli i nderit’.
Kujtojmë se ky takim nisi edhe me një gabim trashanik pasi kur ishte momenti që do të këndohej himni shqiptar, në sfond u dëgjuar një himn tjetër dhe për këtë futbollistët tanë nuk pranuan të vazhdonin lojën pa dëgjuar himnin e tyre. (lexo këtu)
(F.GJ/FAXWEB.AL)
Discussion about this post