Kreu i PD Sali Berisha gjatë takimit me kryetarët e degëve në Tiranë u ndal edhe te mbyllja e biznesit të deputetit Agron Shehaj.
Berisha tha se atij i është vënë shiriti i krimit vetëm sepse është deputeti i PD ndërsa shtoi se klientët e qeverisë ndërtojnë kate të shumta pa leje.
Berisha: Udhëheqja juaj ka një rëndësi përcaktuese në degët e PD ka një rëndësi përcaktuese për suksesin e tyre. Zbatimi, zgjedhja e qytetarëve të parë dhe më pas edhe këshilltarëve me procesin e primareve. Ne e kemi mision dhe duhet ta konceptojmë si një mision të rëndësishëm. Si një mision në mënyrë absolute historik. Ju jeni dëshmitarë që ne sot si shoqëri kemi humbur votën, por në qoftë se humbet votën, humbet shtetin ligjor, humbet kushtetuetshmërinë, lirinë dhe të drejtat dhje faktikisht shndërrohesh ose në shoqëri diktatoriale ose parashtetërore.
Dhe e para është reale. Ju të gjithë jeni njerëz, jeni personalitete politike dhe ju të gjithë e keni të qartë se këtu në Shqipëri është instaluar shteti një partiak dhe kushdo që lexon për diktaturat, një nga format më të zakonshme të tyre janë shtetet ku sundon një pati dhe pjesa tjetër vetëm shtypet. Ky është realiteti i sotëm shqiptar. Sot që një demokrat apo një pa parti të gëzojë të drejtën që Meriton e ka të pamundur sepse shteti një partiak garanton në mënyrë edhe të paligjshme favoret e partisë që sundon në dhunim flagrant të parimeve demokratike. Janë sot me mijëra demokratë të cilët kanë fituar gjyqet dhe nuk fitojnë asnjë të drejtë.
Janë me mijëra të tjerë që nuk u shqyrtohen fare ankesat. Sot po më tregonte një demokrat: Hapa një derë të një objekti. Gjithçka në lidhje të plotë organike. Vijnë katër inspektorë. Ndërtim pa leje. Në shtëpinë e tij. Në dyqanin e tij. Në një kohë kur kërcasin pallatet e Salillarëve. Shtohen 14 kate pa pyetur fare dhe nuk u thotë njeri asgjë. Ata janë klientë të qeverisë. Tjetrit i vihet shiriti i krimit vetëm se është deputet i PD. Ke marrë me qira një objekt me leje edhe pse ai ishte me leje. Ministri del dhe bën shoë për pallatin ngjitur me shtëpinë e tij të nesërmen pallati shton edhe një kat tjetër.
Discussion about this post