Presidenti Ilir Meta ka reaguar në rrjetet sociale ku ka falenderuar gazetarët dhe operatorët për punën e bërë gjatë këtyre ditëve në terren pas tërmetit të 26 Nëntorit.
Meta shprehet se çdo pakujdesi si pasojë e nxitimit për dhënien e lajmit të fundit, të mos përdoret si pretekst për të sulmuar apo mbyllur media kritike.
Reagimi i plotë:
Falenderoj të gjithë gazetarët e terrenit, operatorët dhe stafet teknike mbështetëse për raportimin e saktë dhe në kohë reale ditë-natë, në kushte aspak të lehta, të situatës tepër të rëndë dhe të pasojave tragjike në jetë njerëzore dhe prona, që la pas tërmeti i tmerrshëm i 26 nëntorit. Me punën e tyre të palodhur, gazetarët dhe mediat kanë dhënë kontribut të jashtëzakonshëm në ndihmë të banorëve të prekur nga pasojat e kësaj fatkeqësie tepër të rëndë. Duke i inkurajuar mediat të vazhdojnë të tregojnë seriozitet dhe përmbajtje maksimale në raportimin e lajmeve, me qëllim shmangien e informacioneve të paverifikuara, besoj se në kuadrin e kësaj gjendjeje të jashtëzakonshme, çdo pakujdesi si pasojë e nxitimit për dhënien e lajmit të fundit, të mos përdoret si pretekst për të sulmuar apo mbyllur media kritike. Gazetarët kanë qenë ndër heronjtë e vërtetë të këtyre ditëve dhe për këtë meritojnë një falenderim dhe mirënjohje të madhe!
Qeveria Rama, dy ditë pasi procedoi dy administratorët e JOQ-së, ka vendosur që përmes Autoritetit të Komunikimeve Elektronike dhe Postare të mbyllin domainin “joqalbania.com” për Republikën e Shqipërisë.
Lajmi është dhënë nga vetë JOQ, në faqet e veta zyrtare në Instagram dhe në Facebook, ku thuhet se me mbylljen e portalit synohet vendosja e diktaturës, dhe nënshtrimi i zërave të lirë.
Duhet thënë se në momentin që flasim, faqja në web është e aksesueshme pjesërisht, pavarësisht se sot nuk është postuar asnjë lajm. Mbrëmjen e djeshme kjo faqe nuk ishte e disponueshme për lexuesit e saj, ç’ka ka pasuar me një sërë reagimesh të forta në rrjetet sociale.
Sulmi qeverisë ndaj kësaj mediaje, nisi me pretendimin se përhapte panik në radhët e lexuesve, dhe i referohej një denoncimi të një qytetari, që thoshtë se në mogrun e Tiranës, kishte një numër shumë të madh viktimash, të paidentifikuara, nga tërmeti i rënë në datën 26 Nëntor.
Dy ditë pasi procedoi administratorët, qeveria mbyll përmes AKEP portalin JOQ
(F.GJ/FAXWEB.AL)
Discussion about this post