Pas vendimit të Ministrisë së Shëndetësisë për të mbajtur të mbyllura çerdhet dhe shkollat deri më 9 janar për shkak të epidemisë së gripit dhe motit të ftohtë dhe pas aprovimit nga Ministria e Arsimit dhe Shkencës ka patur shumë reagime në rrjetet sociale.
Një prej tyre është edhe gazetarja e “Vizion +”, Matilda Terpollari, që të gjithë këtë e quan një mashtrim.
“Propaganda shtetërore mbylli shkollat me gjoja rënien e gripit. Në fakt kjo është java më e ftohtë e vitit dhe shkollat vazhdojnë të jenë pa ngrohje e pa drita. Në zonat e thella vazhdon të mungojë transporti i premtuar. Mashtrimi vazhdon për ata që e hanë!”, shkruan Terpollari në postimin e saj në Facebook.
Pak minuta më parë qeveria vendosi të lerë pushim në datat 4,5 dhe 6 janar një prej prindërve që kanë një fëmijë të vogël dhe që punojnë në administratë. Ajo i bëri thirrje edhe sektorit privat të ndërmarrë të njëjtën nismë. Ky vendim vjen për shkak të situatës me gripin në vend dhe motit të ftohtë. (A.R/SHUPLAKA)
