Pas një sërë rastesh mbytjesh në bregdetin shqiptar dhe një niveli shumë të lartë ndotjesh Jamarbër Malltezi ka shpërndarë sot në emër të Departamentit të Mjedisit, Pyjeve dhe Turizmit në PD, të cilin edhe e kryeson, një deklaratë për situatën në bregdetin shqiptar.
Në deklaratë theksohet dhe papërgjegjshmëria e institucioneve që duhet të marrin masa për gjendjen katastrofike.
Duke marrë shkak nga mbytja e një fëmije ditën e djeshme po në plazhin e Zvërneci, i 23-ti për një periudhë të shkurtër DDMP përveç papërgjegjshmërisë për mbrojtjen e jetës së pushuesve denoncojnë edhe ndotjen e plazheve nga nafta. Departamenti i Mjedisit, Pyjeve dhe Turizmit në Partinë Demokratike kërkon llogari në këtë deklaratë, se ku shkuan miliona euro për Agjencinë Kombëtare të Bregdetit që po fle, ose merret me afera.
Ja deklarate e plotë e Departamentit të Mjedisit, Pyjeve dhe Turizmit të PD:
U mbyt personi i 23 dje ne det dhe qeveria fle. Perdite po mbyten njerez, perdite dalin fekalet ne det, perdite po ndoten plazhet nga nafta dhe ballasti dhe askush nuk mban pergjegjesi, askush nuk di te thote ku po fle shteti.
U emerua (pa ligj) nje Agjensi Kombetare e Bregdetit, por askush nuk di cfare ben dhe ku shkojne milionat nga taksat tona. Drejtori i saj merret me rrugen Egnatia ne malet e Librazhdit, ne vend te merret me bregdetin dhe sigurine ne te. Ka nje Agjensi te Zonave te Mbrojtura por a di njeri te thote ku kane vajtur thuajse 3 milione euro?
Kemi inspektoriat mjedisi qe ne vend qe te parandaloje dhe ndeshkoje per fekalet ne det inspektoret e pashkolle te saj po zihen si qente per te ndare rryshfetet.
Pse paguhen dhjetera institucione dhe miliona euro kur nuk bejne asgje per te siguruar jetet e njerezve, mjedisin dhe turizmin?
Keto vdekje, ndotje dhe mungese e standarteve minimale nuk do te ishin te mundura pa Edvin Ramen dhe ceten e tij.
(E.K/SHUPLAKA)
Discussion about this post