Jemi në fushatë politike dhe ajo që vihet re është se shumë personazhe të njohur po marrin pjesë në fushatat elektorale por jo vetëm kaq, ata shpesh bëhen pjesë e saj.
Bëhet fjalë për një ndër reperët më në zë shqiptarë, MC Kresha. Ai është futur në politikë, jo si funksionar apo përfaqësues i saj, por si një simpatizant dhe aktivist. Autori i shumë hiteve jo vetëm ka shprehur hapur mbështetjen e tij për Partinë Demokratike të Kosovës, por duket se i është bashkuar edhe fushatës së saj.
Diçka të tillë është bërë të ditur nëpërmjet një postimi në Instagramin e ish-gazetares Arbana Xharra që është pjesë e PDK. Kresha shfaqet krah Arbanës, ndërsa krahas fotos shkruhet: “Fillim i ri”. (S.SH/Shuplaka)
