Mesdita e sotme pritet të shoqërohet me zhvillime mjaft të rëndëishme në vendin tonë. Kjo për shkak se rreth drekës pritet të mbërrijnë në Tiranë dy personalitete europiane, David McAlister përfaqësuesi i PPE-ve dhe eurokomisioneri knut Fleckenstein.
Kjo vizitë e tyre në Tiranë është përfolur prej 10 ditësh, që prej momentit kur Rama dhe Meta pas takimit së bashku thirrën në ndihmë për zgjidhjen e krizës në vend Partitë Popullore Europiane.
David McAlister është i dërguari i tyre po sipas burimeve në PD nuk ka pasur një ftesë nga selia blu. Nga ana tjetër takimi mes Bashës dhe McAlister do të mbahet rreth orës 16:00 në Selinë e Partisë Demokratike.
Derimë tani nuk dihet si do të zhvillohet takimi dhe kush do të jenë shoqëruesit e kreut të demokratëve. Nga PD-ja konfirmojnë se Fleckenstein nuk do të jetë në takim.
Më parë McAlister do të takohet me kreun e Parlamentit Meta dhe kryeministrin Rama në Kryesinë e Kuvendit.
Ndërkohë që dje Basha pas protestës që bllokoi lëvizjen e mjeteve në 5 akse kryesore të vendit pati një takim në zyrën e tij edhe me ambasadorin amerikan Donald Lu.
Po kush është David McAllister:
David McAllister, është një politikan gjerman dhe pjesëtar i parlamentit evropian nga Gjermania. Ai është anëtar i Unionit Kristiandemokrat, pjesë e partive popullore evropiane.
Aktualisht, është zëvendës-president i Partive Popullore Evropiane dhe kryeson, bashkë me Joseph Daul, grupin e punës të partive popullore për politikat evropiane. Për më tepër është dhe zëvendës-kryetar i unionit ndërkombëtar demokrat.
Në shkurt të 2017-ës, ai u zgjodh kryesues i komisionit të jashtëm të parlamentit evropian në vend të Elmar Brok dhe në këtë kuadër, është edhe raportues për Serbinë.
McAllister, ka qenë më herët kryeministër i shtetit të Saksonisë së poshtme në Gjermani, duke pasuar Kristian Ulf, ndërsa nga 2014 është zgjedhur pjesëtar i parlamentit evropian.
Avokat me profesion, ai konsiderohej si një yll në rritje i CDU-së, Kristian-demokratëve e madje edhe si pasues i mundshëm i Angela Merkelit.
Ai ka lindur në Berlinin Perëndimor, nga një baba skocez dhe një nënë gjermane. Ai ka shtetësi gjermane dhe britanike edhe pse ka nënvizuar se e ndjen veten tërësisht gjerman. (E.K/SHUPLAKA)
