“McGonigal”, Vasili: Është koha për të ndarë gjërat

Nënkryetari i Partisë së Lirisë, Petrit Vasili në një deklaratë për shtyp ka folur për çështjen “McGonigal” ku ka akuzuar dhe sulmuar kryeministrin Edi Rama për implikim në veprimtari mafioze.

“Shqipëria sot është e rrezikuar pasi zyrën e kryeministrit e viziton një individ që e ka kthyer atë në çerdhe. E drejta , kushtetuta, ligji kanë rënë në tokë. promotori i McGonigal, dhe korrupsioni që ka bërë Rama duhet hetuar pasi shqiptarët nuk durojnë dot më. Askush nuk pranon të ketë një kryeministër mafioz. Sot duhet të jemi në këmbë për të kërkuar me gjithë forcën autoriteteve përkatëse që të bëjnë detyrën e tyre. Është koha për të ndarë gjërat. Populli do të dijë se kush  është përkrah tij. Populli shqiptar kërkon drejtësi, pasi e drejtë vonohet por nuk harrohet”, tha Vasili.