Kreu i Partisë Demokratike i është bashkuar protestës së banorëvbe të Astirit të cilët kundërshtojnë vijimin e zbatimit të projektit për Unazën e Re nga ku shprehu mirënjohjen e tij për rezistencën e këtyre banorëve prej rreth 5 muajsh.
Sipas Bashës, qeveria nën drejtimin e ramës është një llum që i duhet dhënë fund sa më parë duke argumentuar se ditët e saj janë të numëruara.
“Bashkim popullor për të përzënë llumin shoqëror. Banorët e Astirit vendosën që të mos e ulin kokën. Ora e hajdutëve po merr fund ashtu si koha Edi Ramës. U kap me presh në duar nga Zëri i Amerikës për blerjen e votave, u kap me presh në duar për Teatrin Kombëtar, u kap me presh në duar këtu tek Unaza e Re. Ka ardhur koha që ju të vendosni. Ky udhëtim na bën bashkë më të qartë se kurrë drejt ndjekjes së aspiratave integruese. Firmat fantazmë donin të vidhnin paratë tuaj. Me djegien e mandateve ne kemi marrë një akt historik, për ti dhënë fund krimit dhe korrupsionit dhe për të kthyer vendimmarrjen tek qytetarët. Një vendim që nuk na bën të qëndrojmë në krah të kriminelëve por në krah të qytetarëve. Ne kemi hapur rrugën që vendimmarrja të mos jetë në duart e asamblesë së krimit, populli duhet të vendosë, ju duhet të vendosni për Parlamentin dhe Qeverinë, se si menaxhohen dhe investohen taksat tuaja”, deklaroi Basha.
Ai tha se largimi i Edi Ramës është i pashmangshëm, nuk shkohet në Europë sipas tij, me zgjedhje të diktuara nga krimi dhe me një qeveri që sipas Bashës vjedh shqiptarët.
“Më 16 mars ne do të kemi një takim me historinë, ku shqiptarët e bashkuar kanë për të fituar. Të gjithë bashkë do ta hapim derën e mbyllur të Europës”, deklaroi Basha.
https://www.facebook.com/faxweb.al/videos/348616199083640/UzpfSTE0MTYzMzk3OTgxNzkwNjpWSzozNDg2MTYxOTkwODM2NDA/
(F.GJ/FAXWEB.AL)
Discussion about this post