Pas më shumë se 24 orësh nga shfaqja e të helmuarve të parë në Spitalin Francez, pas Mitingut të PD-së ka reaguar zyrtarisht Policia e Shtetit. Në njoftimin e saj ngjarja raportohet, madje cilësohet dhe si ndotje ajri.
Nga ana tjetër kujtojmë se gjatë mëngjesit të djeshëm është ngitur një grup pune i kryesuar nga Prokuroria e Tiranës dhe ekspertë të ushtrisë për të inspektuar vendin e ngjarjes. Ende nuk ka një pistë zyrtare në të cilën po hetohet.
NJOFTIMI I POLICISË:
Më datë 27.05.2015, nga ora 19:00, deri në orën 20:30, në Bulevardin “Dëshmorët e Kombit”, subjekti politik Partia Demokratike e Shqipërisë, ka filluar aktivitetin elektoral të “Zgjedhjeve Parlamentare 2017”, rreth dy orë pas mbarimit të aktivitetit, disa pjesëmarrës kanë patur skuqje të syve, fytyrës dhe qafës, të cilët pasi kanë marrë ndihmën mjekësore në spitalin Francez pranë Q.S.U.T., janë larguar për në banesë. Punohet për përcaktimin e shkakut të ndotjes së ajrit dhe identifikimin e kapjen e autorëve përgjegjës. Parashikuar nga Neni 201 i Kodit Penal.
(E.K/SHUPLAKA)
