Kryeministri Edi Rama do të mbledhë në datat 7 dhe 8 mars ministrat, drejtuesit e qarqeve dhe kryesinë e grupit të partisë socialiste. Në fokus do të jenë zgjedhjet ndërsa pritet të diskutohet edhe për listën e kandidatëve në zgjedhjet e 11 majit.
Partia Socialiste do të mbyllë para afatit të 12 marsit listat e kandidatëve që do të fusë në garën për deputet.
Mesohet se në datat 7 dhe 8 mars, kryesocialisti Edi Rama do të mbledhë në Vilën 30, ministrat, drejtuesit e qarqeve dhe kryesinë e grupit të Partisë Socialiste ku një nga pikat që do të diskutohet do të jenë dhe emrat që do të dërgohen në KQZ.
Mësohet se Kjo mbledhje do të bëhet në formën retreat, ku në cilësinë e kryeministrit do të kërkojë një analizë e punës së bërë nga qeveria dhe më tej në cilësinë e kryetarit të PS edhe të drejtuesve politikë në zonat përkatëse për fushatën zgjedhore.
Por jo vetëm kaq. Mësohet se drejtuesit e qarqeve do të duhet të kenë gati listën e emrave për deputetë që do të propozojnë.
Vula përfundimtare do të vihet nga Kryesia e PS.
Kujtojme se më herët, Kryeministri Edi Rama është shprehur se në listë të mbyllur do të jenë vetëm drejtuesit politik dhe deputetët që kanë vetëm një mandat dhe gjithçka do të plotësohet nga emra të rinj.
Data 12 mars shënon përfundimin e afatit për të depozituar në KQZ, emrat e garuesve për deputetë, ndërsa më pas do të vijohet me hartimin e fletës që do t’i dërgohet emigrantëve me anë të postës.
Discussion about this post