Një nga skuadrat më të vjetra të futbollit italian, Genoa, nga dita e sotme është zyrtarisht në shitje. Përmes një postimi në rrjetet sociale, klubi xhenovez ka deklaruar se ka nisur procedurat për të ndryshuar pronësi.
Ekipi që numëron 9 tituj kampionë në Serinë A, ndërsa është themeluar rreth 125 vite më parë, që në vitin 1893. Aktualisht skuadra është në pronësi të Enrico Preziosi, ndërkohë që vendimi i marrë këshilli drejtues i klubit, aktualisht rrezikon rënien e skuadrës në Serinë B.
“Genoa Cricket and Football Club S.p.A. shkruan se ka autorizuar shoqërinë e konsultimit financiar Assietta S.p.A., e specializuar në të tilla operacione, si këshilltar për shitjen e shoqërisë. Bashkë me këtë shoqëri do të operojë edhe një ent tjetër, i profilizuar në arenën ndërkombëtare”, thuhet në komunikatën e klubit.
