“Me apo pa Metën”, Petrit Vasili garanton LSI-në si forcë të qëndrueshme në 10 vitet e ardhshme

Nga qyteti i Fierit, Petrit Vasili, i cili prej nesër do të jetë në krye të Lëvizjes Socialiste për Integrim, garantoi se LSI i ka hedhur bazat si forcë politike e konsoliduar dhe do të vazhdojë të jetë forcë e qëndrueshme me apo pa Ilir Metën.

Ai apeloi nga ky qytet për bashkëpunim, për të gjetue kompromis mes palëve politike, pasi të gjithë duhet të mendojnë për stabilitetin e vendit.

“Me apo pa Metën, LSI është forcë politike e konsoliduar. Për 10 vitet që vijnë, LSI do jetë një forcë e qëndrueshme pasi i ka hedhur bazat e saj. LSI ka projektuar të ardhmen e sukseshme. Duhet të gjejmë kompromis mes palëve, duhet të mendojmë të gjithë për stabilitetin e vendit.”, u shpreh ai ndër të tjera.

Kjo deklaratë e Vasilit është e para e bërë prej tij që pasi Meta deklaroi paraditen e sotme se me zgjedhjen e tij President i Republikës së Shqipërisë, do të tërhiqet nga posti drejtues i LSI-së prej ditës së nesërme.

(XH.A/SHUPLAKA)