Me armë në lokal, nis procedimi penal ndaj 17-vjeçarit nga Tirana

Ka nisur nga Policia e Durrësit procedimi penal i një adoleshenti me banim në Tiranë, i cili u kap në flagrancë me armë në lokal.

Është kryer ndalimi i J.M.  17 vjeç,  banues në Marikaj, Tiranë.

Detaje të Policisë së Durrësit:

Specialistët për Krimet në Komisariatin e Policisë Shijak filluan proçedimin penal në ngarkim të shtetasit:

• J.M.  17 vjeç,  banues në Marikaj, Tiranë.

Më datë 22.02.2017, rreth orës 16:00, në në një lokal në  Maminas, gjatë kontrollit fizik   i’u gjet dhe sekuestrua në cilësinë e provës materiale:

• një armë zjarri, tip pistoletë me mbishkrimin EKOL Special dhe
• një krëhër me një kapsolle (mësimore).

Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale”Prodhimi dhe mbajtja pa leje e armëve luftarake dhe e municionit” parashikuar në nenin 278/4  të Kodit Penal.

(XH.A/SHUPLAKA)