“Me babanë ç’keni?! Ai është profesor…”. Arbër Çekaj reagon për herë të parë për arrestimin e të atit, shyhet seanca në Apel

Gjykata e Posaçme e Apelit ka shtyrë seancën gjyqësore ndaj Arbër Çekajt, i cili ka apeluar dënimin me 14 vite burg nga GJKKO.

Shkak i shtyrjes se seancës së sotme ishte kërkesa e të akuzuarit për përjashtimin e 2 gjyqtarëve Nertuna Koava dhe Saida Dollani.

Në këtë seancë ai ka reaguar dhe për arrestimin e të atit, Selim Çekaj, po për kokainë, duke thënë: Me babanë ç’keni, është profesor i nderuar.

Çekaj ka folur për ekzistencën e një klani që kërkon implikimin e familjes së tij në trafikun e kokainës, ndërsa vazhdimisht që prej fillimit i ka mohuar akuzat e ngritura, pas arrestimit për kapjen e 613 kilogramëve kokainë, po në portin e Durrësit.

“Po na masakroni familjen. Herën e parë e çuan kontenierin në magazinë, ndërsa këtë herë e hapën në portin e Durrësit qëllimisht. Ka një klan të caktuar që implikon familjen tonë, po na trajtoni si kulakë, ne nuk kemi lidhje me trafikun e drogës. Babai im është 72 vjeç, profesor i nderuar”, ka thënë më tej në seancë Çekaj.

49 kilogramë kokainë e zbuluar në Durrës, arrestohet babai i Arbër Çekajt. Bab e bir përdorën biznesin e bananeve për trafik droge

(E.K/Faxweb.al)