Një aksident i rëndë ka ndodhur dje në Vlorë ku një 17-vjeçar humbi jetën.
‘’BMW X6’’-ta ka dalë nga rruga në zonën e Skelë-Ujë i Ftohtë në mesnatë, rreth orës 23:50 duke rënë në kanal. Drejtuesi i mjetit P.B 21 vjeç ka arritur të shpëtojë edhe pse me dëmtime të rënda, por pasagjeri jo.
“Për pasojë kanë marrë dëmtime të rënda drejtuesi i mjetit, shtetasi P.B., 21 vjeç, banues në Vlorë, bashkë me një pasagjer, të cilët u dërguan menjëherë në Spitalin e Vlorës, por rreth orës 00:05, Spitali ka konfirmuar humbjen e jetës së pasagjerit. Policia ka identifikuar viktimën me gjeneralitetet K.P., 17 vjeç, banues në Vlorë”, jep detaje policia e Vlorës.
Këto janë fotot e publikuara nga ‘’Harta dixhitale e aksidenteve’’, ku duket qartë edhe vendi i ngjarjes së frikshme.
