Një familje qëndron prej disa ditësh tashmë në kushtet e karantinës brenda anijes “Diamond Princess” në portin e Yokohama.
Në këtë anije pati të infektuar me koronavirus, ndaj dhe ata që ishin në këtë anije u izoluan, dhe do të pritet që të kalojë afati 14 ditor, për ekzaminimin përfundimtar të tyre.
Autoritet japoneze kanë konfirmuar 542 të infektuar, ndërkohë që ata që janë brenda anijes komunikojnë me botën jashtë me anë të rrjeteve sociale.
Një familje e cila ndodhet në këtë anije nuk e ka humbur as forcën dhe as humorin. Yardley Wong gjendet në këtë anije bashkë me burrin e saj dhe djalin e tyre të tyre të vogël. Ata lejohen të dalin në kuvertë dhe të marrin pak ajër.
Familja është parë duke kërcyer dhe të lumtur. Gruaja ka thënë:
“Ne kemi qenë në bord që nga 25 janari. Kabina jonë është pothuajse 16 metra katrorë. Ne jemi mirë, mbetemi të fortë.’’
Ajo po përpiqet shumë që të qëndrojë e fortë dhe pozitive. Maskat ata i mbajnë gjatë gjithë kohës, por brenda anijes kanë disa hapësira ku mund të luajnë. Ndërkohë që frika dhe paniku prej këtij virusi është e madhe, kudo.
Discussion about this post