“Më detyroi të zgjidhja se cilin nga djemtë të vriste”, i moshuari rrëfen historinë rrëqethëse

Isa Sherifi është emri i 72-vjeçarit nga Kosova, i cili ka bërë një rrëfim tronditës për luftën e Kosovës.

Edhe Isai si shumë shqiptarë të tjerë të Kosovës ka vuajtur prej kësaj lufte, madje ajo i ka lënë edhe një plagë mjaft të madhe.

Ai tregon se mëngjesi i 15 prillit 1999 nuk zbardhi sikur ditët e tjera, në lagjen e Bosnjkëve në Mitrovicë.

Kjo sepse në atë lagje ditën e 15 prillit ndodhi një prej masakrave më të mëdha.

Atë ditë prilli 11 burra të lagjes do të vriteshin, e shumë gra do të dhunoheshin nga forcat serbe.

Isai humbi dy djemtë e tij sepse forcat serbe ia vranë. Por, ai tregon se si njëri prej komandantëve serbë i kishte thënë që të zgjidhte mes dy djemve.

Më tej ai ka thënë:

“Njanin tha merre edhe hec ik, u nala pi kshyri e thash cilit mi than, edhe ky Sherifi pom shtyn se ky u kan ma i madh se aj. Thash o nuk shkoj, tha o po shkon. Tash um bren, a kom mujt njanin me marr , po ta kisha marr njanin , po ta kisha marr njanin çfarë pasoja masnej kisha pas.”

Po ashtu në rrëfimin e  tij për gazetën “infokus” ai ka thënë se nuk kishte mundur të zgjidhte mes dy djemve, të tij.