Kryeministri në detyrë i Kosovës, Ramush Haradinaj ka akuzuar kryeministrin tonë, Edi Rama se i ka vënë bllokadë ekonomisë kosovare me taksën në Rrugën e Kombit. Në një intervistë për gazetën “Epoka e Re”, Haradinaj është shprehur i keqardhur për akuzat në distancë që hidhen, ndërsa ju kërkpoi falje shqiptarëve.
“Krejt shqiptarët, pavarësisht feve, krahinave, partive politike, jemi vëllezër e motra. Ne jemi një. Por, për interesa nacionale nuk kam qare pa u pozicionuar. Dhe kur pozicionohem nuk e bëj për inat të njërit apo për hatër të njërit, sepse për interes nacional janë vrarë Shkëlzeni, Luani dhe familja ime i ka kaluar ato që i ka përjetuar. Kur kam dalë kundër ndarjes dhe kundër asaj se ‘Trepça’ t’i mbetet Serbisë nuk mërzitem se kush hidhërohet. Aty është burimi i ndasive që kemi.
U kërkojmë falje të gjithë shqiptarëve që i mërzisim tash me këtë gjuhë që përdoret. Me dhimbsen shqiptarët e Shqipërisë, vëllezërit e motrat e jugut, sepse ne kur i kemi vendosur taksë Serbisë është dashur që Shqipëria ta fitojë tregun në Kosovë.
Kur Kosova iu hoq si treg Serbisë, në vend se Shqipëria ta marrë këtë treg, shqiptarët mes vete kanë vendosur taksë në rrugë, e cila është 42 euro për kamion e 5 euro për makinë. Pra, kanë vendosur bllokadë që mos me u lidh këto ekonomi”, ka deklaruar Ramush Haradinaj.
(M. I./ Faxweb.al)
