Elida kur ishte 12 vjeçe humbi babain e saj i cili vuante nga kanceri dhe për dy vite ajo ishte mbyllur në vetvete dhe vetëm qante. Më vonë u sëmur rëndë dhe mësuesja e saj kur kishte marrë vesh për gjendjen e Elidës e kishte marrë dhe e kishte çuar atë në sanatorium ku pasi kishte bërë kontrollet kishin zbuluar që ajo kishte tuberkuloz.
Elida sot ka ardhur në rubrikën “Ka një mesazh për ty”, dhe rrëfeu sesi mësuesja i kishte shpëtuar jetën.
“Kam arritur këtu ku jam sot, falë mësueses dhe stafit të sanatoriumit. Kam 27 vite që nuk e kam takuar mësuesen. Me krenari të madhe mund të them që ajo sot mund të jetë nëna ime,”- u shpreh ajo.
Elide kishte thirrur mësuesen e saj dhe ajo erdhi.
Me vete kishte marrë dy libra dhuratë, një për Arditin dhe një për personin që e kishte ftuar, ndonëse ende nuk e dinte kush fshihej prapa murit.
Sapo e pa mësuesja e njohu menjëherë dhe u përlot.
“Mësuese Vali nuk do mjaftonte as edhe një emision, as jeta ime që të flas për ty. Dua publikisht ta shpreh atë që bëtë për mua, që ma dhuruat jetën, që të jem këtu sot pranë jush, që të kem dy fëmijë, të kem një jetë të lumtur. Pa praninë tuaj ndoshta s’do isha këtu. Nëse nënën time biologjike e kam humbur do kisha dëshirë të ishe nëna ime. Dua të mos i humbasim kontaktet. Vendosa të vij në këtë emision për të të kërkuar të jesh nëna ime dhe fëmijët e mi të bëhen nipërit tuaj. Të kam mbajtur në zemrën time, s’të kam harruar. Në jetën time ti ishte një ëngjëll,”- I tha Elida mësueses.
E reja e ftoi më pas të shkonte të jetonte me të në Gjermani.
(F.M/Faxweb)
Discussion about this post