Deputeti socialist Alket Hyseni gjatë seancës së sotme plenare, ku pritet të japë “llogari” lidhur me çështjen e pronave për të cilat akuzohet se ka grabitur në Sarandë, është fotografuar i përqëndruar.
Në kohën që kryetarja e LSI-së, Monika Kryemadhi po fliste në Kuvend për taksën në Rrugën e Kombit, Hyseni ka qenë me kokën ulur, dhe duke lexuar një dosje të kuqe që e mban para.
Pak ditë më parë, Kryeministri Edi Rama në mbledhjen e grupit parlamentar të PS-së u distancua hapur nga Hyseni, duke përsëritur skenarin “Tom Doshi”.
Rama i tha Hysenit se duhet të dilte të jeptë llogari para shqiptarëve dhe të provonte pafajësinë e tij, përballë akuzave për vjedhje prone.
Siç duket, Hyseni ia ka dëgjuar fjalën të parit të qeverisë, dhe në Kuvend po pritet me kërshëri fjala e tij.
(F.G/Faxweb.al)
