Me dy plumba në trup çon 17-vjeçaren në spital, dyshimet e para pse ndodhi atentati në Laprakë

Një vrasje me armë zjarri ka tronditur mbrëmjen e sotme kryeqytetin rreth orës 18:17, në zonën Laprakës në Tiranë.

Një vajzë 17 vjeçare e identifikuar si Griselda Gjinkola është qëlluar me plumb në kokë dhe ka ndërruar jetë në spital. Ndërkohë që është plagosur dhe një 23 vjeçar i identifikuar si Erion Dengo i cili ka marrë dy plumban një në shpatull dhe një në qafë, dhe ndodhet në spitalin e Traumës.

Sipas policisë dyshohet se janë dy persona që kanë qëlluar ndaj të rinjëve. Dy të rinjtë ishin të veshur me të zeza dhe kanë qënë të maskuar kapuç.

Pasi janë qëlluar me armë zjarri, Erion Denga ka transportuar vetë në spital 17-vjeçaren. 23-vjeçari Erion Denga dhe Griselda Gjinkola dyshohet se ishin në një lidhje dashurie prej disa javësh.

Sipas burimeve nga policia dyshohet se 23 vjeçari Erion Denga para një jave ka pasur një konflikt me një grup të rinjsh. Ato kanë ngacmuar 17 vjeçaren dhe janë konfliktuar me 23 vjeçarin e plagosur.

Dy të rinjtë janë goditur brenda një makine. Po ashtu policia ka sekuestruar të gjitha kamerat e bizneseve në afërsi të vendit ku ndodhi ngjarja. Sipas burimeve nga policia konfirmohet se dy të rinjtë nuk janë banorë të zonës.

(M.Q/Faxweb.al)